ஸ்ரீ வாராகி மந்திர பீடம், சித்தாத்தூர், வேடந்தாங்கல்

வரும் மார்ச் மாதம் 6-ம் தேதியன்று வாக்கியப்படி கும்ப ராசியிலிருந்து மீன ராசிக்குப் பெயர்ச்சியாகிறார் சனி பகவான். இந்த சனிப்பெயர்ச்சியில் கும்பம், மீனம், மேஷம், சிம்மம், கன்னி, தனுசு ஆகிய ராசிக்காரர்கள் உரிய பரிகாரங்கள் செய்வது அவசியம். அதன் மூலம் சனிக்கிரக பாதிப்புகள் விலகி, நன்மைகள் உண்டாகும். வினைப்படி உரிய பலாபலன்களை அளிப்பவர் சனி பகவான். அவரின் சஞ்சார நிலையில்... முன்வினைப் பாதிப்புகள், தோஷங்கள் அனைத்தும் விலகி நற்பலன்கள் வாய்க்க, சகல ராசியினருக்கும் மேன்மைகள் உண்டாக தெய்வ வழிபாடுகள் உறுதுணை புரியும். அந்த வகையில் - வாசகர்கள் பயனடையும் விதம், சக்திவிகடன் சார்பில் சித்தாத்தூர் - வாராஹிதேவி சந்நிதியில் சிறப்பு சனிப்பெயர்ச்சி பரிகார வழிபாடுகள் - விசேஷ ஹோமத்துக்கு ஏற்பாடு செய்யப்பட்டுள்ளது. 64 வராஹி ரூபங்கள்... சித்தர்கள் போற்றிப் பூஜித்த தலத்தில்... சகலவிதமான சங்கடங்களிலிருந்தும் நம்மைக் காக்கும் துடியான தெய்வம் வாராஹி. அவளுக்கென்றே பிரத்யேகமாக 64 வாராஹி ரூபங்களும் எழுந்தருளியிருக்கும் கோயிலாகத் திகழ்கிறது, ‘சித்தாத்தூர் ச்ரி வாராஹி மந்திர பீடம்.’ சித்தர்கள் போற்றும் இந்தக் கோயிலில் மாண்டுக சித்தரின் ஜீவசமாதி அமைந்திருப்பதும் குறிப்பிடத்தக்கது. சித்த சாந்நித்தியமும் தேவி வாராஹியின் கடாட்சமும் பரிபூரணமாக நிறைந்திருக்கும் இந்தத் தலத்தில்தான் சக்திவிகடன் மற்றும் சித்தாத்தூர் ச்ரி வாராஹி மந்திர பீடம் இணைந்து வழங்கும் சனிப்பெயர்ச்சி சிறப்பு ஹோமங்கள் - வழிபாடுகள் நடைபெற உள்ளன. சனிக்கிரக தோஷம் விலகும்; காரிய ஜெயமும் செல்வகடாட்சமும் உண்டாகும் மகா கணபதி ஹோமம், நவகிரக ஹோமம், சனிபகவான் ப்ரீதிக்காக விசேஷ ஆவர்த்திகளோடு நடைபெற இருக்கும் இந்த சிறப்பு ஹோம நிகழ்வில் அன்னை வாராஹிக்கும் விசேஷ வழிபாடுகள் நடைபெற இருக்கின்றன. இதில் சங்கல்பம் செய்து வழிபடுவதோடு, அன்னை வாராஹியை வேண்டிக்கொண்டால், துன்பங்களும் கிரக தோஷங்களும் அகலும்; பூமி தொடர்பான அனைத்துக் காரியங்களும் சுமுகமாக நடந்தேறும். இயற்கைச் சீற்றங்களில் இருந்து விடுபடலாம். எதிரிகளின் தொல்லைகள் தீரும். பிணிப்பாதிப்புகள், கடன் பிரச்னைகள் முழுமையாக விலகும்.