சனி - 08.10.2022

வீராணம், காட்டுமன்னார்கோவில், கடம்பூர்.

* வீராணம் ஏரிக்கரை - சோழ இளவரசன் ராசாதித்தனால் உருவாக் கப்பட்ட பெரும் ஏரி. பொன்னியின் செல்வன் கதை தொடங்கும் இதன் கரையிலேயே, நம் யாத்திரையின் முதல் சங்கமம்.

* காட்டுமன்னார்கோவில்: பிரமாண்டமாக வெட்டப்பட்ட ஏரிக்குத் தன் தந்தையின் சிறப்புப்பெயரையே சூட்டவிரும்பினார் ராசாதித்தன். அதன்படியே வீரநாராயணன் ஏரி எனப் பெயர் ஏற்பட்டது. இதன் அருகிலிருக்கும் விண்ணகரமே வீரநாராயணர் திருக்கோயில். பொன்னியின் செல்வன் கதைக்களமாகவும் திகழ்கிறது இந்தத் தலம்.

* மேலும், கல்வெட்டுகளால் சிறப்புற்ற காட்டுமன்னார்கோவில் அனந்தீஸ்வரர் ஆலயம், புகழ்பெற்ற சம்புவரையர் ஆட்சிசெய்த கடம்பூர் மற்றும் அங்குள்ள ஆலயங்கள் ஆகியவையும் முதல் நாள் யாத்திரையில் இடம்பெறும்.

ஞாயிறு - 09.10.2022

பழையாறை, பட்டீஸ்வரம், உடையாளூர், திருப்புறம்பியம்

* இரண்டாம் நாள் யாத்திரை பழையாறையிலிருந்து தொடங்குகிறது. பட்டீஸ்வரம், திருச்சத்திமுற்றம், சோழர்மாளிகை, திருநந்திபுரவிண்ணகரம் உள்ளிட்ட ஊர்கள் அடங்கிய பகுதியே முன்பு பழையாறை எனும் சோழர் தலைநகரமாகத் திகழ்ந்திருக்கிறது.

* யாத்திரையின் அடுத்த நகர்வு உடையாளூர்ப் பகுதி. ராஜராஜசோழன் அந்திம காலத்தில் தங்கியிருந்த பகுதியிது என்பர். அவரின் நினைவிடம் மற்றும் கயிலாசநாதர் கோயில் அமைந்திருப்பது இங்குதான்.

* அடுத்த தரிசனம் பஞ்சவன்மாதேஸ்வரம் ஆலயம் - பஞ்சவன்மா தேவியாரின் பள்ளிப்படை கோயில் இது.

திங்கள் - 10.10.2022

தஞ்சை, கோடியக்கரை

* மூன்றாம் நாளின் முதல் தரிசனம், தஞ்சை பெரியகோயில்..

* தஞ்சையிலிருந்து கோடியக்கரைக்குப் பயணம். கோடியக்கரை- கடற்கரை குழகர்கோயிலில் நிறைவு சங்கமம்